قصيدة قويه مليئه بالحكم

[الود]

ياكثرهم .. لا قلت لك .. عرفة وجيه =وياقلهم .. لا قلت .. قـدر ومعـزه
رجلٍ .. تعزه بعد ماتلتقـي .. فيـه = ورجلٍ .. قبل ماتلتقي بـه .. تعـزه
ورجلٍ .. ترزه بالمجالـس مباديـه=ورجلٍ .. فلوسه بالمجالـس تـرزه
ورجلٍ .. يموت ولا يجيبون طاريـه=ورجل ٍ .. يجي طاريه في كل حزه
ورجلٍ يهزه .. بعض موقف ويشقيه=ورجلٍ .. مهوب أيّات موقف يهـزه
ورجلٍ .. ضعيف .. ويستفزه معاديه=ورجلٍ .. كلام اعـداه .. مايستفـزه
ورجلٍ .. تلزه يعترف لك .. بخافيه=ورجلٍ .. على خافيه .. محدٍ يلـزه
ورجلٍ .. يوزونه .. ويزعل بنيخيه=ورجلٍ .. يزعّل من يحاول ، يـوزه
ورجلٍ .. تكزه لا زم انك .. توصيه =ورجلٍ .. بليّا ما توصيـه .. كـزه
من لا فرش .. للمرجله .. ماتغطيه=ومن لايخز .. الناس .. محدٍ يخـزه
ان كنت تعرفني فهي .. عرفة وجيه=مو شرط لك بالقلب قدر .. ومعـزه


صح لسان الشاعر خلف المشعان

[الطائر الحزين]

الود

بارك الله فيك وفي منقولك

قصيده جميله وقويه ومعبره سلمت يدك على هذه الذائقة العاليه

تقبل تحياتي وتقديري

[الود]

مشكور على المرور
ما احوجنا جميعا الى الارتقاء نسأل الله ان يفقهنا في ديننا اولا وفي ماينفعنا دنيا ودين
تقبل تحياتي

[اسير الشوق]

اخي الفاضل/ الود

قصيدة روووووووعة تحمل في طياتها الدرر مثل ناقلها

كنت ابغي انتقي لي بيت من الابيات وجدت اني راح انقل القصيده كامله لجمالها

بارك الله فيك على اختيار هالقصيدة الراااائعه

[الود]

شكرا على المرور
دائما متميز بارك الله فيك

[آل عازب أبو شايع]

الود

قصيدة أكثر من رائعه

ونقلك لها هو الأروع

تحياتي وتقديري..

[الود]

بارك الله فيك ابوشايع
تحياتي

[ابوراكان]

الود يسلم سلم الله مباديه=نقل جواهر من غلاها تعزه
صح اللسان اللي قرينا قوافيه=وصحت يدك يالود في كل حزه

[الود]

الود يسلم سلم الله مباديه=نقل جواهر من غلاها تعزه
صح اللسان اللي قرينا قوافيه=وصحت يدك يالود في كل حزه


حياك ياللي دايمات مقاديه = الطييب يحريبه ولا احد يلزه
الشاعر اللي سابقات عواديه = يستاهل القادم ومجلا وهزه