عيون الصغيره

[الطائر الحزين]

بعد السنه قابلتها عند عطار=تحمل على الكفين طفله صغيره

حاولت آصد وعيت العين تندار=تسمرت بعيونها المستديره

تبعثرت بعيونها كل لسرار=وقريت ما تخفيه شره وخيره

شواهد الحرمان تظهر على البار=إدموعها شهدت وشيب الظفيره

قرّبت منها قلت قولي بما صار=وريحي قلب جروحه خطيره

قالت بعد عينك علي الزمن دار=خلاني بديره وقلبي بديره

إدموع عيني فوق خديني إنثار=والقلب من بعدك تعالى زفيره

سمعت ما قالت فصلبت محتار=أهل دمع العين وقت الظهيره

قلت إعذريني يا بعد كل من سار=مقدر أواصل يا هواي المسيره

فالت علامك قلت مرضى لك العار=إنتي لبو بنتك ولا أنتي لغيره

قالت أحبك قلت ماني بغدار=وعيب على مثلي يخالف ضميره

قالت ذي أختي لا تبعدك لفكار=عبدك على عهدك سعيد وسميره

سافرت عنك ما تهنيت لسفار=سافرت وأفوادي تزايد سعيره

حملت في بعدك من الهم قنطار=وذقت بفراقك ليالي مريره

قلت إسمحي لي صابني بعدك الزار=ضحكوا علي أهل القلوب الشريره

ومنعني الباري من اللعب بالنار=ربي عطاني من الغنادير طيره

عايش على ذكراك والرب ستار=ستر علي من الدروب العسيره

عاد الفرح يا فلّة بين لزهار=عادالشذى يروي فوادي عبيره

يا مرحبا بك عدّما هلت أمطار=يا قرّت عيون ببعدك سهيره

وماكن شي يا منيت العين قد صار=وتشهد على العوده عيون الصغيره

الطائر الحزين

[عاشق ديرته]

يا مرحبا بك عدّما هلت أمطار
يا قرّت عيون ببعدك سهيره
صح لسانك على الابيات الجميله والعذبه وتقبل مروري

[آل عازب أبو شايع]

الطائر الحزين

أبيات أكثر من رائعة

تحياتي وتقديري

[الطائر الحزين]

عاشق ديرته

اشكر لك هذا المرور اللذي نور متصفحي لا عدمتك

تقبل تحياتي وتقديري

[الطائر الحزين]

ابو شايع

نورت المتصفح واسعدني وصول حرفي لذائقتك

تقبل تحياتي وتقديري