(( الأسير ))

[الطائر الحزين]

دمعة الرجال يا أهل المرجله = ما تسيل إلا من الآمر الثقيل
ودمع عيني ما قدرت آسلسله = يو شفت الشبل في يد العميل
نشهد أن الفخر لو قلنا أكمله = فيه ما يعطيه من حقه قليل
ونشهد إنه جاب علم يجمله = ما بخل بالنفس لو يمسي قتيل
دون داره سار درب وكمله = سار درب ما مشى فيه الذليل
جعل عيني ما بكت من مقتله = وجعل داره ما تدور له بديل
يا ولد سلطان تكفى الزلزله = بيدك العده وبيديك الدليل
اسقهم من المر كاس وحنظله = كثف الغارات في يوم وليل
والآسير إن كان بيدك توصله = لا تقول إنه علينا مستحيل
حطنا بالنار والحوثي إزهله = والله إن الموت فيها سلسبيل
ويا ولد سلطان ما تبغي إفعله = كل شي يفداك يا الشهم الآصيل
دربنا غانم ولا أحد يجهله = ودارنا من دونها دمانا تسيل
ودمع عيني كان جفني سيله = للأسير اللي وقع بيد العميل
ودمعة الرجال يا أهل المرجله = ما تسيل إلا من الآمر الثقيل


الطائر الحزينwidth=1 height=1

[آل عازب أبو شايع]

جعلك سالم وصح السانك على هالقصيدة الوطنية الرائعة

ونعم نحن فداء للوطن بأرواحنا وكل مانملك سلمت أناملك

وجميل ماتكتب

وأعجبني

دمعة الرجال يا أهل المرجله
ما تسيل إلا من الآمر الثقيل

[آل عازب أبو شايع]

مجرد مرور آخر لجمال الشعر

[الطائر الحزين]

ابو شايع

لا عدمتك ومرورك العذب

حضورك لممرة الثانيه أسعدني جدا سلمت وبارك الله فيك

تقبل من القلب كل الحب

[اسير الشوق]

قصيدة راااااااااااائعة واكثر من رائعة

تسلم على هالابيات والابداع المتواصل

( دمعة الرجال يا أهل المرجله
ما تسيل إلا من الآمر الثقيل )

بيض الله وجهك يالذيب

[الطائر الحزين]

أسير الشوق

مرورك العذب عطر متصفحي لا عدمتك

اسعدني جدا أن لامست ذوقك الرفيع ونالت إستحسانك

تحياتي القلبية الصادقه